人気ブログランキング | 話題のタグを見る
人要進歩!
多謝大家支持→

呢幾日一直都追睇「新不了情(電視版)」、
頭先終於睇完喇。
唔知點解...突然好掛住香港、好想用廣東話同朋友傾計呢。

有時D人問我、
「你學左幾耐廣東話架?」。
其實學左好耐啦。自己都唔記得幾時開始學呢。
不過重記得個陣時、自己心裏便諗左好耐呀。
因為咩都唔識講、以後唔知真係會識講呢?
依家開始太唔太遲呢?咁擔心囉。
依且一個人報名、好似太緊張添...
咩都重未開始、我諗太多喇。
究竟我幾時開始學呢?自己都想知道wor。
屋企搵黎搵去、我搵番個陣時的notebook呀。重係度!
原來我97年學起廣東話既。
真係學左好耐啦。
依家冇學、不過過左10年多D。
個陣時、估唔到10年後既自己重咁中意香港。
更加估唔到10年後既自己幾識講廣東話添。
唔好笑我、學左咁耐都咁差。哈哈
雖然依家退歩左好多、不過同朋友溝通就OK既。
係呀、當時想學既原因就係同香港D朋友溝通。
我得左啦!
有時我同自己講、特登比銭去香港讀書有咩用?
不過今晩覺得好滿足。
初初既目標、10年後既自己得左啦。
有目標一件好事。
如果有想做既野、幾時開始都唔遲。
比心機做一定有効果架。
幾多歳開始唔緊要、做人日日要進歩啊嘛!

咁、依家我既目標係咩呢?
10年後想得左咩呢?
要諗下wor!
by hongkongmai | 2009-02-05 01:20 | 香港劇集
<< チューヤンと潮語 買錯o左 >>